کراچی: ایم کیو ایم پاکستان کے رکن قومی اسمبلی شہید علی رضا عابدی کے والد نے سوالات کا نیا پینڈورا باکس کھولتے ہوئے بیٹے کے قتل کی تفتیش پر سوالات اٹھا دیے۔
ڈان نیوز کے پروگرام زرا ہٹ کے میں گفتگو کرتے ہوئے اخلاق احمد عابدی کا کہنا تھا کہ ’’علی رضا عابدی کے قتل میں لیاری گینگ وار ملوث نہیں بلکہ یہ اجرتی قاتل تھے جو بلدیہ ٹاؤن کے پٹنی محلے کے رہائشی ہیں‘‘۔
انہوں نے اہم نقطے پر بات کرتے ہوئے کہا کہ سی ٹی ڈی سمیت دیگر تفتیشی اداروں کو اپنی تفتیش کا رخ بہادرآباد اور پی آئی بی کی طرف بھی کرنا چاہیے اور معلوم کرنا چاہیے کہ علی رضا عابدی سے کس کس کو مسئلہ تھا۔
والد کے خیال میں علی رضا عابدی کے قاتلوں تعلق لندن یا کسی اور طرف سے جوڑںے والے اصل قاتل کو چھپا رہے ہیں، اُن کا کہنا تھا کہ اجرتی قاتلوں کو رقم دے کر کسی نے اپنا کام نکلوایا۔
علی رضا عابدی کا مقدمئہ قتل#JusticeForAliRazaAbidi@Dawn_News @Xadeejournalist @ZarrarKhuhro @WusatUllahKhan pic.twitter.com/v9Quv34JTF
— ZaraHatKay (@ZaraHatKay_Dawn) June 13, 2019
