ملک بھر میں تعلیمی ادارے 26 نومبر سے بند کرنے کا اعلان
اسلام آباد: وفاقی وزیر تعلیم شفقت محمود نے 26 نومبر سے ملک بھر کے تمام تعلیمی ادارے بند کرنے اور امتحانات ملتوی کرنے کا اعلان کردیا۔
شفقت محمود کی زیرصدارت بین الصوبائی وزرائے تعلیم کا اجلاس ہوا جس میں تمام ہی صوبوں کے وزرا نے اپنی تجاویز پیش کیں اور کرونا کی صورت حال پر تبصرہ کیا۔
انہوں نے بتایا کہ ملک بھرمیں تعلیمی ادارے آن لائن کلاسز کا انعقاد کریں گے، تمام تعلیمی اداروں میں 24 دسمبتر تک چھٹیاں ہوں گی اور 11 جنوری کو ادارے دوبارہ کھلیں گے۔
شفقت محمود نے بتایا کہ دسمبر میں جنتے بھی امتحانات ہوں گے ان کو ملتوی کیے جائیں گے، یونیورسٹی ہاسٹلز کے طلبہ کی ایک تہائی حصہ ہاسٹلز میں قیام کرسکیں گی، ووکیشنل اداروں کو بند نہیں کررہے، ووکیشنل اداروں میں تربیت کا عمل جاری رہے گا، طلبہ ایک ماہ گھروں سے آن لائن تعلیمی سرگرمیاں جاری ریکھیں گے، مارچ یا اپریل میں بورڈ کے امتحانات کو مئی میں کرانے کی سفارش کی ہے۔
