حلقہ این اے 249 میں‌ شکست کے بعد مصطفیٰ کمال نے نیا پینڈورا باکس کھول دیا

پاک سرزمین پارٹی کے چیئرمین کا الیکشن میں شکست کے بعد بڑا اعلان

کراچی: پاک سرزمین پارٹی کے چیئرمین مصطفیٰ کمال نے حلقہ این اے 249 میں شکست قبول کرتے ہوئے بڑا اعلان کردیا۔

حلقہ این اے 249 میں شکست کے بعد مصطفیٰ کمال نے بلدیہ ٹاؤن میں جنرل ورکرز اجلاس طلب کیا، جس میں انہوں نے اپنے روایتی جارحانہ انداز سے خطاب کیا۔ اس خطاب میں مصطفٰی کمال نے جہاں نازیبا اور غیر اخلاقی زبان کا استعمال کرتے ہوئے تحریک انصاف کے اراکین کو آڑے ہاتھوں لیا۔

جنرل ورکرز اجلاس میں خطاب کرتے ہوئے مصطفیٰ کمال نے کہا کہ حلقہ این اے 249 کے لوگوں نے مجھے بہت محبت دی، آپ کے جذبات کی قدر کرتے ہوئے مصطفیٰ کمال نے یہ فیصلہ کیا ہے کہ وہ آئندہ ہونے والے تمام انتخابات میں اسی حلقے سے الیکشن میں حصہ لے گا، اور آپ کی آواز بنے گا۔

واضح رہے کہ 29 مارچ کو ہونے والے حلقہ این اے 249 کے ضمنی انتخاب میں پاکستان پیپلزپارٹی کے امیدوار مندو خیل نے میدان مارا جبکہ مفتاح اسماعیل دوسرے اور ٹی ایل پی کے امیدوار تیسرے نمبر پر رہے۔ مصطفیٰ کمال کا چوتھا، ایم کیو ایم اور تحریک انصاف کا پانچویں ، چھٹا نمبر رہا۔

اپنا تبصرہ بھیجیں: