ایمازون اسٹور پر پاکستان سے لین دین ممکن، فہرست میں نام شامل، باضابطہ منظوری

ایمازون اسٹور پر پاکستان سے لین دین ممکن، فہرست میں نام شامل، باضابطہ منظوری

آئن لائن اسٹور ایمازون نے پاکستان کو اُن ممالک کی فہرست میں شامل کرلیا جو اُن کے پلیٹ فارم سے خریدوفروخت کرسکتے ہیں۔

وزیراعظم کے معاونِ خصوصی برائے معاشیات و اقتصادیات عبدالرزاق داؤد نے یہ خوش خبری پاکستانی نوجوانوں کو سنائی اور بتایا کہ ’ایما زون اسٹور پر پاکستانی بھی چیزیں فروخت کرسکتے ہیں کیونکہ کمپنی نے پاکستان کا نام بھی فروخت کنندگان ملک میں شامل کرلیا‘۔

انہوں نے بتایا کہ کمپنی پاکستان کو آئندہ چند روز میں شامل کرنے کا باقاعدہ اعلان کرے گی۔

واضح رہے کہ ایمازون آن لائن اسٹور کا شمار دنیا کے اُن بڑے پلیٹ فارمز میں ہوتا ہے جہاں ہر قسم کی اشیا کی آن لائن خریدوفروخت کی جاتی ہے، پابندی کے باوجود بھی کچھ پاکستانی ایمازون اسٹور پر دکانیں کھول کر غیرقانونی طریقے سے کام کررہے تھے۔

At least some good new for online business in 🇵🇰.#Amazon pic.twitter.com/WL7LuBBMoE

— Sajid Alyh (@PTI_SajidAlyh) May 6, 2021

ایمازون اسٹور میں فروخت کنندہ کو خود کو رجسٹرڈ کرنا ہوتا ہے ، جس کے بعد وہ دکان کا مالک بن جاتا ہے اور ملنے والے آرڈرز کو مطلوبہ پتے پر بھیجتا ہے، کسی بھی چیز کی رقم بذریعہ ایمازون اسٹور اُس کو موصول ہوتی ہے۔