کراچی : بابر اعظم ایک سال میں سب سے زیادہ انٹرنیشنل 50 سے زائد رنز کرنے والے پاکستانی بن گئے، کراچی ٹیسٹ میں انہوں نے نصف سنچری اسکور کی جو رواں سال ان کی 23 ویں انٹرنیشنل ففٹی ہے۔
اس سے قبل بھارت کے سارو گنگولی اور انگلینڈ کے جو روٹ بھی ایک کیلنڈر سال میں 23، 23 ففٹی پلس اسکور کرچکے ہیں۔
پاکستان کی جانب سے مصباح الحق نے 2013 میں 22 انٹرنیشنل نصف سنچریاں اسکور کرکے قومی ریکارڈ بنایا تھا۔ بابر کی 23 ففٹی پلس میں سات سنچریاں اور سولہ نصف سنچریاں شامل ہیں۔
بابر اعظم نے رواں سال 9 ٹیسٹ، 8 ون ڈے اور 10 ٹی ٹوئنٹی ففٹی پلس رنز اسکور کیے۔ سری لنکا کے کھلاڑی کمار سنگاکارا نے 2014 میں 25 جبکہ رکی پونٹنگ نے 2005 میں 24 ففٹی پلس اسکور کیے تھے۔
