اسلام آباد : چیئرمین تحریک انصاف عمران خان نے اسپیکر قومی اسمبلی راجا پرویز اشرف کی جانب سے پی ٹی آئی کے 34ارکان اور شیخ رشید احمد کے استعفے منظور ہونے کے بعد تمام 35حلقوں پر خود الیکشن لڑنے کا اعلان کردیا۔ سیکرٹری جنرل تحریک انصاف اسدعمر نے کہا کہ ان تمام 35حلقوں پر تحریک انصاف کا امیدوار عمران خان ہوں گے، یہ ایک علامتی الیکشن ہے کوئی اصل الیکشن تو ہے نہیں کہ ہم دیگر امیدوار نامزد کرسکے۔
اسدعمر نے کہاکہ اسمبلی میں واپسی کا فیصلہ جب ہوجائے تو اس وقت تحریک انصاف کے جتنے اراکین اہل ہوں وہ قومی اسمبلی میں جائیں گے۔ انہوں نے کہاکہ اگر اسپیکر ہمیں لیڈر آف اپوزیشن سمیت دیگر پارلیمانی عہدوں سے دور رکھنا چاہتا ہے تو صرف 35اسعفوں سے کام نہیں بنے گا۔اسدعمر نے کہاکہ تحریک انصاف کی ساری سینئر قیادت کے استعفے اس خوف کے باعث منظور کیے گئے کہ انکے اسمبلی میں واپس آنے سے کہی حکومت نہ گرجائے، حالانکہ اعتماد کا ووٹ انہوں نے لینا ہے ہم نے تو کچھ کرنا نہیں، ہم 35اسمبلی میں موجود ہوں یا نہ ہوں، اس سے فرق نہیں پڑیا۔
انہوں نے کہاکہ حکومت کا ایک مقصد یہ بھی ہوسکتا ہے کہ تحریک انصاف کے اہم رہنماں کو صوبائی اسمبلیوں کے الیکشن کے دوران مصروف رکھا جاسکے۔اسد عمر نے کہاکہ تحریک انصاف کے اراکین اسمبلی میں معمول کے کارروائی میں شرکت کےلئے نہیں جارہے، بلکہ ایوان میں جانے کا مقصد آئندہ الیکشن کےلئے قائد خزب اختلاف کی صورت میں وفاقی حکومت کے ساتھ بیٹھ کر نگراں حکومت پر مشاورت کا حصہ بننا ہے۔رہنما تحریک انصاف نے کہاکہ اسعفوں کا معاملہ ہم نے سپریم کورٹ میں چیلنج کررکھا ہے اور قانونی محاذ پر ہم اس کیس کی پیروی کریں گے،ہمارا موقف ہے کہ ہم سب اسعفے دے چکے ہیں، اسپیکر قومی اسمبلی ایک ہی طریقہ کار کے تحت ایک ہی دن دیے
