کراچی کو آگ اورخون میں دوبارہ نہ دھکیلاجائے : چانڈیو

کراچی : : پیپلز پارٹی کے سینیٹر مولا بخش چانڈیو نے کہا ہے کہ پاکستان میں ایک مدت سے افرا تفری کی فضا قائم کرنے کی کوشش کی جارہی ہے۔کراچی کو آگ اور خون میں دوبارہ نہ دھکیلا جائے ہم روشن خیال لوگ ہیں،پیپلز پارٹی کی روح میں جمہوریت ہے۔

پریس کانفرنس کرتے ہوئے مولابخش چانڈیونے کہا ہے کہ سراج الحق کی سیاسی جماعت کی روح میں پیپلز پارٹی کی مخالفت ہے،ہم نے الیکشن سے بائیکاٹ کرنے والی سیاسی جماعتوں کو انتخاب میں حصہ لینے کا مشورہ دیا ۔پیپلز پارٹی کے مخالفین گالیاں دینے سے باز نہیں رہتے ۔ انہوں نے کہا ہے کہ سراج الحق کی سیاسی جماعت کی روح میں پیپلز پارٹی کی مخالفت ہے ،پیپلز پارٹی کے خلاف سازش کو جمہوریت کے خلاف جنگ سمجھیں گے ۔ انہوں نے کہا کہ کراچی میں پیپلز پارٹی بلدیاتی الیکشن جیتی ہے، سراج الحق سے توقع ہے سیاسی فیصلہ کریں گے، ایک دوسرے کے مینڈیٹ کا احترام کریں۔ انہوں نے کہا کہ عمران خان نے سیاسی طور پر پیچھے کا سفر شروع کردیا ہے۔

انہوں نے کہا کہ نسل پرستی کا راستہ روکنے کیلئے مل بیٹھنے کیلئے تیار ہیں ،جماعت اسلامی کے مینڈیٹ کا احترام ہے، کراچی کو امن اور سکون چاہئے۔

اپنا تبصرہ بھیجیں: