کراچی : مہوش حیات اور کبری خان سمیت دیگر کے خلاف سوشل میڈیاپرمہم چلانےکے معاملے میں پی ٹی اے نے قابل اعتراض مواد کے خلاف کارروائی کی رپورٹ پیش کردی ہے۔سندھ ہائیکورٹ میں پاکستانی اداکاروں مہوش حیات ، کبریٰ خان سمیت دیگر کے خلاف سوشل میڈیاپرمہم چلانے کے حوالے سے سماعت ہوئی۔
رپورٹ کے مطابق ٹویٹرکے65، انسٹاگرام کے10قابل اعتراض لنکس کوبلاک کرنےکی کاروائی شروع کردی ۔ 3لنکس بلاک کئےجاچکے،5لنکس پروٹیکٹ اورناقابل رسائی ہیں۔ قابل اعتراض موادکے49 لنکس کوجلدبلاک کردیاجائےگا۔
ان لنکس اوراکاؤنٹس کےذریعےقابل اعتراض مواد پھیلایا جارہاہے۔ جولنک پی ٹی اےکی رسائی سےباہرہیں ان کیلئےعدالت احکامات دےسکتی ہے۔ایف آئی اے کے تفتیشی افسر نے رپورٹ کے ذریعے بتایا کہ موصول شدہ درخواست پر قابل اعتراض مواد ہٹانے کیلئے پی ٹی اے کو خط لکھ دیا گیا ہے۔ ایف آئی اے سوشل میڈیا پر قابل اعتراض مواد پھیلانے والوں کے خلاف کاروائی کر رہی ہے ۔
