اسلام آباد: 15 روز کے اندر چائے پتی کی قیمت میں 500 روپے اضافہ ہو گیا۔
رپورٹ کے مطابق دسمبر 2022 کے آخر سے جنوری کے اوائل تک پہنچنے والے 250 کے قریب کنٹینرز بندرگاہ پر پھنسنے کی وجہ سے رمضان سے قبل کھلی چائے کی پتی کی قیمت گذشتہ 15 روز میں ایک ہزار ایک سو روپے سے بڑھ کر 1600 روپے فی کلو تک پہنچ گئی۔
رمضان میں چائے کی قیمت 2500 روپے فی کلو تک پہنچ سکتی ہے۔جبکہ پشاور شہر میں چائے کی پتی کی قیمتوں کو پر لگ گئے ہیں ۔ دیگر اشیاء ضروریہ کی قیمتوں میں ریکارڈ اضافہ کے بعد چائے کی پتی کی قیمتیں بھی بے لگا م ہیں۔ایک رپورٹ کے مطابق گزشتہ چند ہفتوں کے دوران ایمپورٹڈ چائے کی پتی کی قیمتوں میں 600 روپے فی کلو اضافہ ہو چکا ہے جس نے شہریوں کے اوسان خطا کر دیے۔
