ممبئی: بھارتی اداکارہ سوارا بھاسکر نے سوشل میڈیا پر ایک ویڈیو کے ذریعے سماجی و سیاسی کارکن فہد ضرار احمد سے اپنی شادی کا اعلان کیا ہے۔
ویڈیو پوسٹ کرتے ہوئے 34سالہ اداکارہ نے لکھا کبھی کبھی آپ دور دور تک کسی ایسی چیز کی تلاش کرتے ہیں جو آپکے بالکل قریب ہو۔ ہم محبت کی تلاش میں تھے، لیکن ہمیں پہلے دوستی ملی اور پھر ہم نے ایک دوسرے کو پایا، فہد ضرار احمد، آپ کو میرے دل میں خوش آمدید ، اگرچہ یہ افراتفری سے بھرا ہے لیکن یہ آپکا ہے۔
اپنی اہلیہ کی پوسٹ پر جواب دیتے ہوئے فہد ضرار نے کہا مجھے اندازہ نہیں تھا کہ یہ افراتفری اتنی خوبصورت ہوگی۔سوارا بھاسکرنے ان تصاویر اور ویڈیو کلپس کا ایک مونٹاج شیئر کیا جس میں انکی محبت کی اس کہانی کو بیان کیا گیا ہے جو دہلی میں شہریت مخالف قانون پر مظاہروں کے پس منظر میں چل رہی تھی ۔ فہد ضرار سماج وادی پارٹی کے یوتھ ونگ کے صدر ہیں۔
دونوں کی ملاقات سٹیزن شپ ترمیمی ایکٹ (سی اے اے) کیخلاف جنوری 2020 میں ایک احتجاج کے دوران ہوئی تھی۔
