کراچی : بھارت کے ایشیا کپ 2023 کے میچز متحدہ عرب امارات میں کھیلنے کا امکان ہے۔ بھارتی میڈیا کی رپورٹ کے مطابق بھارتی کرکٹ بورڈ نے ایشیا کپ میں اپنے میچز یو اے ای میں کھیلنے کی تجویز دے دی۔
تجویز میں کہا گیا ہے کہ پاکستان ایشیا کپ کا میزبان رہے اور دیگر ٹیموں کے میچز پاکستان میں کھیلے جائیں۔ اسی طرح بھارت کے فائنل میں پہنچنے کی صورت میں فائنل بھی یو اے ای میں کھلائے جانے کی تجویز دی گئی ہے۔
بھارتی میڈیا کی رپورٹ کے مطابق بورڈ آف کنٹرول کرکٹ انڈیا نے پاکستان کرکٹ بورڈ کو صرف آپشن دیا ہے، باقی فیصلہ ان کا ہے۔
4 فروری کو ہونے والے ایشین کرکٹ کونسل اجلاس میں وینیو کا حتمی فیصلہ نہیں ہوسکا تھا۔اجلاس میں پی سی بی نے سخت مؤقف پیش کرتے ہوئے کہا تھا کہ ایشیا کپ کی میزبانی پاکستان کے پاس ہے۔
ایونٹ کے وینیو سے متعلق اے سی سی کے آئندہ اجلاس میں حتمی فیصلہ ہوگا۔
