کراچی : ناظم آباد اور اورنگ آباد کے رہائشیوں نے بجلی کی عدم فراہمی کے خلاف کئی گھنٹے تک خواتین اور بچوں سمیت احتجاج کیا۔
احتجاج کے باعث سائٹ ایریا سے ناظم آباد آنے اور جانے والا ٹریفک معطل ہوگیا۔
زرائع کے مطابق ناظم آباد اور اورنگ آباد کے رہائشیوں نے ایک روز سے بجلی نہ ہونے پر احتجاج کیا۔
مظاہرین خواتین اور بچوں کے ہمراہ سڑکوں پر آگئے۔
مظاہرے کے سبب ناظم آباد نمبر 2 سے سائٹ ایریا آنے اور جانے والا ٹریفک معطل ہوگیا ۔
مظاہرین کا کہنا تھا کہ 24 گھنٹے گزرنے والے ہیں انکے گھر میں بجلی نہیں ہے وہ باقاعدہ بل ادا کررہے ہیں۔
جب تک لائٹ بحال نہیں کی جاتی ٹریفک کی روانی بحال نہیں کی جائیگی۔
مظاہرین کا احتجاج کئی گھنٹے تک جاری رہا۔
کے الیکٹرک نے علاقے کی بجلی بحال کی ۔
مظاہرین نے احتجاج ختم کر دیا اور روڈ ٹریفک کے لئے کھول دیا
