راؤ انوار کا نام ای سی ایل سے نکالنے کی درخواست پر وزارت داخلہ کو نوٹس

سپریم کورٹ نے سابق ایس ایس پی ملیر راؤ انوار کا نام ای سی ایل سے نکالنے کی درخواست پر وزارت داخلہ کو نوٹس جاری کر دیا۔

سابق ایس ایس پی راؤ انوار کا نام ای سی ایل سے نکالنے کی درخواست پر سپریم کورٹ میں سماعت ہوئی۔

جسٹس اعجاز الاحسن کی سربراہی میں 3 رکنی بینچ نے سماعت کی۔سپریم کورٹ نے ریمارکس دیتے ہوئے کہا کہ وکیل کے مطابق راؤ انوار کے خلاف جو کیس تھا وہ اب ختم ہو چکا ہے، وہ کسی اور کیس میں مطلوب بھی نہیں۔

عدالت نے فریقین کو نوٹسز جاری کرتے ہوئے سماعت غیرمعینہ مدت کے لیے ملتوی کر دی۔

راؤ انوار کا نام نقیب اللّٰہ محسود قتل کیس میں ای سی ایل میں ڈالا گیا تھا۔ٹرائل کورٹ سے بری ہونے کے فیصلے کے بعد راؤ انوار نے سپریم کورٹ سے رجوع کیا۔

اپنا تبصرہ بھیجیں: