بالی وڈ ہدایتکار کرن جوہر کے ہم شکل پاکستانی کے چرچے

اسلام آباد: بالی وو ڈ انڈسٹری سے تعلق رکھنے والی کئی شوبز شخصیات کے پاکستانی ہم شکل سامنے آچکے ہیں، انہیں میں سے ایک اور بالی وڈ ہدایتکار کرن جوہر کے پاکستانی ہم شکل عثمان نے کہا ہے کہ میں نہیں بلکہ کرن جوہر میری طرح لگتے ہیں ،کرن جوہر سے مشابہ دکھنے کیلئے کوئی سرجری نہیں کرائی بلکہ وہ قدرتی طور پر ایسے ہی ہیں۔

کرن جوہر کے ہم شکل عثمان 2018 میں سوشل میڈیا پر اس وقت سامنے آئے جب انہوں نے اپنے ٹوئٹر اکاؤنٹ سے اپنی ایک تصویر پوسٹ کرتے ہوئے لوگوں کی اپنے سے متعلق رائے بتائی اور کرن جوہر سے سوال کیا ،جس کے جواب میں کرن جوہر نے بھی اتفاق کرتے ہوئے کہا کہ آپ نے مجھے لاجواب کردیا۔

کرن جوہر کے ہم شکل پاکستانی وی لاگر عثمان کا تعلق اسلام آباد سے ہے جنہوں نے نجی میڈیا کو دئیے گئے انٹرویو کے دوران بتایا کہ وی لاگنگ کے دوران میرے کئی دوستوں نے مجھے بتایا کہ میری شکل کرن جوہر سے ملتی ہے جس کے بعد میں نے انٹرنیٹ پر کرن جوہر کو سرچ کیا ،اس کے بعد میں نے وہ پوسٹ کی جس کا جواب کرن جوہر کی جانب سے بھی آیا ، عثمان خان کے مطابق وہ حافظ قرآن ہیں ، نعت خواں ہیں ، یہی نہیں گنگنا بھی لیتے ہیں۔

دوران انٹریو عثمان نے یہ بھی بتایا کہ وہ کرن جوہر کے معروف شو کافی ود کرن کے بجائے لسی ود کرن شو کریں گے ، اس شو کو کسی اچھی لسی کی دکان سے کیا جائے گا۔

اپنا تبصرہ بھیجیں: