کراچی : شارع نور جہاں پولیس نے شادی کی تقریب میں ہوائی فائرنگ کرنے والے 3 ملزمان کو گرفتار کرلیا جس میں دولہا بھی شامل ہے۔
شادی کی خوشی میں کی جانے والی فائرنگ کی ویڈیو سوشل میڈیا پر وائرل ہوگئی تھی اس حوالے سے ایس ایچ او شارع نور جہاں انسپکٹر غلام نبی آفریدی نے بتایا کہ نارتھ ناظم آباد بلاک جے تقی سینٹر کے قریب شادی کی تقریب میں ہوائی فائرنگ کی فوٹیج سوشل میڈیا پر وائرل ہوئی تھی جس میں دولہا سمیت کچھ افراد کو ہوائی فائرنگ کر تے دیکھا گیا تھا ۔
جس پر شارع نورجہاں تھانے کے سب انسپکٹر شاہنواز کی مدعیت میں مقدمہ درج کر کے فائرنگ میں ملوث دولہا شایان اور اس کے دیگر 2 دوستوں دانیال اور فیصل کو گرفتار کر کے اسلحہ برآمد کرلیا ۔
انھوں ںے بتایا کہ ملزمان کو مزید تفتیش کے لیے انویسٹی گیشن پولیس کے حوالے کر دیا ہے ۔
