کسی تنقید کی پروا ہے نہ عوام میں جانا چھوڑوں گا:گورنرسندھ

کراچی: گورنرکامران خان ٹیسوری نے کہا ہے کہ عوام میں جانے سے انکے مسائل سے آگاہی ملتی ہے کسی تنقید کی پروا ہے نہ عوام میں جانا چھوڑوں گا،عوام کے مسائل متعلقہ اداروں کے علم میں لاتا رہوں گا،انہوں نے کہا کہ عام افراد رمضان کے تمام دن گورنرہاؤس میں افطارکیلئے آسکتے ہیں۔
انہوں نے رمضان المبارک کی چھٹی سحری برنس روڈ فوڈ سٹریٹ پرکی،مشہورکباب ہاؤس پرگورنرسندھ کو اپنے درمیان پاکرعوام حیران رہ گئے،گورنرنے کہا کہ کراچی معاشی شہرہے اس میں امن وامان کا کوئی مسئلہ نہیں،دو گھنٹے سے روڈ پرموجود ہوں،کباب ہاؤس پرموجود شہریوں کا کہنا تھا کہ گھٹن کے اس ماحول میں گورنرکو اپنے درمیان پاکربہت خوش ہیں۔
علاوہ ازیں گورنرسے بوہری کمیونٹی کے 5 رکنی وفد نے گورنرہاؤس میں ملاقات کی۔