کراچی: کراچی میں ڈمپر نے ایک اور گھر اجاڑ دیا، شاہ لطیف کے قریب قومی شاہراہ پر ڈمپر کی ٹکر سے ماں بیٹا جاں بحق ہوگیا جبکہ شوہر زخمی ہوگیا۔
ڈمپر ڈرائیور فرار ہونے میں کامیاب رہا، جاں بحق ہونے والوں میں 30 سالہ عظمیٰ زوجہ صدام حسین اور ان کا 6 سالا بیٹا معصوم آزان شامل ہیں۔
لاشیں گھر پہنچنے پر ماتم برپا ہوگیا، علاقہ معززین صدا حسین بلیدی، عبدالقدیر ٹالانی، کبیر جان بروہی اور دیگر نے بتایا کہ سڑک کی مرمت کیلئے کئی بار انتظامیہ اور این ایچ اے کو درخواستیں دیں تاہم کچھ نہیں ہوا، دن کے اوقات میں ہیوی ٹریفک پر پابندی کے قانون پر بھی عمل نہیں کیا جارہا۔
شاہ لطیف میں ڈمپر نے ماں اور 6 سالہ بیٹے کو کچل دیا، شوہر زخمی
