11 نشستوں پر بھی جماعت اسلامی کی جیت یقینی ہے : حافظ نعیم

کراچی: امیر جماعت اسلامی کراچی حافظ نعیم الرحمن نے کہا ہےکہ بلدیاتی انتخابات میں کراچی نے ہمیں بھرپور مینڈیٹ دیا، 11 نشستوں پر بھی ہماری کامیابی یقینی ہے، جس سے پیپلز پارٹی شدید خوفزدہ ہے، ترازو تعمیر و ترقی کا نشان ہے، سب کو ساتھ لیکر چلنے کی صلاحیت رکھتے ہیں۔
ان خیالات کا اظہار انہوں نے نیو کراچی یوسی 4 میں دعوت افطار سے خطاب میں کیا، انہوں نے مزید کہا کہ پیپلز پارٹی اور سندھ حکومت الیکشن کمیشن کے ساتھ ملکر ہمارے مینڈیٹ پر قبضہ کرنے کی کوشش کررہی ہے، انہیں نیو کراچی، بہار کالونی، نارتھ ناظم آباد اور لانڈھی میں اپنی شکست نظر آرہی ہے۔
ان کاکہناتھاکہ کراچی کے جائز مسائل کے حل کیلئے مسلسل جدوجہد کررہے ہیں، حق دو کراچی تحریک اہل کراچی کے دل کی آواز بن چکی۔

اپنا تبصرہ بھیجیں: