کرن جوہر کس پاکستانی اداکار کے مداح ہیں ؟ جانئیے !

ممبئی:بھارتی پروڈیوسر کرن جوہر بھی پاکستانی اداکار وہاج علی کے مداح نکلے ۔
اداکار وہاج علی کا نیا ڈرامہ پاکستان کے علاوہ بھارت میں بھی ٹاپ ٹرینڈ میں شامل ہے ، جس میں ان کے کردار سمیت اس ڈرامہ کی سٹوری اور انکی یمنیٰ زیدی کے ساتھ جوڑی کو شائقین بے حد پسند کر رہے ہیں۔
میڈیا رپورٹس کے مطابق وہاج علی نے گزشتہ روز اپنی ایک تصویر انسٹاگرام پر شیئر کی تھی جسے کرن جوہر نے لائیک کیا، جس کے بعد سوشل میڈیا صارفین نے ملے جلے ردعمل کا اظہار کیا ہے۔
کچھ صارفین کا کہنا ہے کہ کرن جوہر اپنے کسی پراجیکٹ کے لیے وہاج علی کا انتخاب کرنے کے خواہشمند ہیں تو کچھ نے بھارتی پروڈیوسر پر تنقید کی کہ وہ اب اپنی کسی نئی فلم کے لیے پاکستانی مواد کی کاپی کرنا چاہتے ہیں۔