اداکارہ تارا محمود نے شادی نہ کرنے کی وجہ کیا بتائی ؟

کراچی : پاکستان شوبز انڈسٹری کی معروف اداکارہ تارا محمود نے نجی زندگی کے حوالے سے کھل کر بات کرتے ہوئے اب تک شادی نہ کرنے کی وجہ بتا دی۔ایک انٹرویو میں تارا محمود نے بتایا کہ انہیں کبھی شادی کی خواہش محسوس نہیں ہوئی۔
انہوں نے کہا کہ میں اس حوالے سے خوش قسمت رہی ہوں، مجھے کبھی شادی کرنے کی خواہش نہیں رہی۔ انہوں نے مزید وضاحت دیتے ہوئے کہا کہ آزادی ملنے کے بعد اپنی تمام تر توجہ اپنے کیریئر پر مرکوز رکھی، تعلیم حاصل کرنے امریکا گئی اور جب وہاں سے واپس آئی تو میری اولین ترجیح میرا کیرئیر رہا, تاہم اب جب اداکارہ اپنی زندگی کے ایک خاص موڑ پر پہنچ چکی ہیں، تو ان کا کہنا ہے کہ اب وہ اس حوالے سے سوچ رہی ہیں۔
انہوں نے اس بات پر بھی زور دیا کہ شادی کرنے یا نہ کرنے کا فیصلہ ذاتی ہونا چاہیے، کسی کو یہ فیصلہ معاشرے کے دباؤ میں آکر نہیں کرنا چاہیے-