Notice: Function _load_textdomain_just_in_time was called incorrectly. Translation loading for the wordpress-seo domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/zarayeco/public_html/wp-includes/functions.php on line 6114
یوم علیؑ کا مرکزی جلوس نشتر پارک سے برآمد ہوگا، ٹریفک پلان جاری |

یوم علیؑ کا مرکزی جلوس نشتر پارک سے برآمد ہوگا، ٹریفک پلان جاری

کراچی: 21 رمضان المبارک کو یوم علیؑ کا مرکزی جلوس نشتر پارک سے برآمد ہوگا، اس حوالے سے کراچی میں ٹریفک پلان جاری کر دیا گیا ہے۔
جلوس روایتی راستوں سے گزرتا ہوا حسینیہ ایرانیاں امام بارگاہ کھارادر پر اختتام پذیر ہوگا۔ جلوس نشتر پارک سے ایم اے جناح روڈ، سی بریز سے صدر ایمپریس مارکیٹ، ریگل سے دوبارہ ایم اے جناح روڈ پر آئے گا۔
بولٹن مارکیٹ سے بمبئی بازار کھارادر، نواب مہابت خان جی روڈ سے حسینیہ ایرانیاں امام بارگاہ پر اختتام پذیر ہوگا۔
ٹریفک پلان کے مطابق جلوس نشتر پارک سے برآمد ہوگا تو ایم اے جناح روڈ کو عام ٹریفک کے لیے بند کر دیا جائے گا اور کسی بھی قسم کے ٹریفک کو گرومندر سے ایم اے جناح روڈ کی جانب جانے کی اجازت نہیں ہوگی۔
ترجمان ٹریفک پولیس کے مطابق عوام 21 رمضان المبارک کو جلوس کے باعث متبادل راستے استعمال کریں۔
ٹریفک پولیس کے اہلکار عوام کی رہنمائی کےلیے ڈائی ورژن پر موجود ہوں گے