لاہور : 5 ٹی ٹوئنٹی اور 5 ون ڈے میچز کی سیریز کھیلنے کے لیے نیوزی لینڈ کی کرکٹ ٹیم پاکستان پہنچ گئی۔کیوی ٹیم کو سخت سیکیورٹی میں لاہور ایئرپورٹ سے ہوٹل پہنچا دیا گیا۔
مہمان ٹیم 13 اپریل کو لاہور کے قذافی اسٹیڈیم میں پہلا ٹریننگ سیشن کرے گی، ٹی ٹوئنٹی سیریز کی ٹرافی کی رونمائی بھی اسی روز ہوگی۔دونوں ٹیموں کے درمیان پہلا ٹی ٹوئنٹی میچ 14 اپریل کو لاہور میں کھیلا جائے گا۔
دوسرا ٹی ٹوئنٹی میچ 15 کو اور تیسرا 17 اپریل کو لاہور میں ہی کھیلا جائے گا۔راولپنڈی اور کراچی میں میچز کے ٹکٹوں کی فروخت آج سے شروع ہوگی، میچز کے ٹکٹس آن لائن خریدے جاسکیں گے۔
