نیویارک : 2امریکی دوا ساز کمپنیوں موڈرنا اور مرک انشورنس کی جانب سے تیار کردہ نئی مشترکہ ویکسین کے تجربہ کے دوران متعدد افراد میں اسکن کینسر کے خاتمے کا انکشاف ہوا ہے۔
دونوں کمپنیز نے سکن کینسر سے متعلق الگ الگ ویکسینز پہلےہی تیار کر رکھی تھیں جنہیں سائنسدانوں نے مشترکہ طور پر ایک ویکسین بنا کر مریضوں پر اس کی آزمائش کی۔ موڈرنا نے پہلے سے ہی سکن کینسر سمیت دیگر کینسر کے مرض کو ختم کرنے کیلئے مدد فراہم کرنیوالی ویکسین ایم آر این اے 4157 (mRNA-4157) بنائی تھی جو کہ انسانی مدافعتی نظام میں شامل ’ٹی سیلز‘ نامی خلیات کو مضبوط بناکر کینسر سے متاثر سیلز کو نشانہ بنانے کے اہل بناتی ہے۔
اسی طرح مرک انشورنس نے بھی کیٹرڈا (Keytruda) نامی ویکسین بھی تیار کررکھی تھی جو کہ انسانی مدافعتی نظام میں اینٹی باڈیز یعنی سفید خون کے ایسے طاقتور اجزا بناتی ہے جو کہ ٹی سیلز کو کینسر کے سیلز پر حملہ کرنے سے روکنے والے سیلز کو بلاک کرنے میں مدد فراہم کرتی ہے۔
