مہاجر قومی موومنٹ (ایم کیو ایم) حقیقی نے نو مئی کے پُرتشدد واقعات کے بعد کراچی سے گرفتار ہونے والے نوجوانوں کی قانونی معاونت کا اعلان کردیا۔
ایم کیو ایم کی قانونی ٹیم کے رکن اور ہائیکورٹ کے ایڈوکیٹ بابر مرزا نے اس ضمن میں ایک ویڈیو پیغام جاری کیا جس میں انہوں نے کہا کہ جو نوجوان بلوائیوں کے اکسانے پر ہنگامہ آرائی میں گرفتار ہوئے انہیں آفاق احمد کی ہدایت پر قانونی معاونت فراہم کی جائے گی۔
چیئرمین مہاجر قومی موومنٹ آفاق احمد بھائی کی ہدایت پر لیگل ایڈ ڈیپارٹمنٹ کی جانب سے بابر مرزا ایڈووکیٹ کا تحریک انصاف کی سازش کے شکار معصوم بچوں کے لیئے بلا معاوضہ مکمل قانونی مدد کا اعلان۔ متاثرہ خاندان مہاجر قومی موومنٹ لیگل ایڈ ڈیپارٹمنٹ سے 03212064297
پر رابطہ کرسکتا ہے ۔ pic.twitter.com/l1UG1rQyiM— AFAQ NEWS (@AfaqNewss) May 16, 2023
بابر مرزا ایڈوکیٹ نے کہا کہ بلوائیوں نے قوم کے بچوں اور نوجوانوں کو اپنے مفادات کے لیے استعمال کیا جس کی وجہ سے وہ آج کال کوٹھری میں پہنچ گئے ہیں جبکہ عمران خان انہیں یا اہل خانہ کو پوچھ بھی نہیں رہا اور اعلان لاتعلقی کررہا ہے کہ ان بچوں اور خاندانوں سے کوئی تعلق نہیں ہے۔
انہوں نے کہا کہ کوئی اور لیڈر یہ سب کچھ برداشت کرسکتا ہے مگر آفاق احمد یہ چیز نہ دیکھ سکتے ہیں اور نہ برداشت کرسکتے ہیں، اس ویڈیو کے ذریعے مجھے متاثرہ لوگوں سے رابطہ کرنے یا ان کے لیے پلیٹ فارم تشکیل دینے کی ہدایت بھی چیئرمین آفاق احمد نے کی۔
زبردست بابر بھائی ایک معصوم مہاجر نوجوان کی قانونی مدد کے لئے میں عینی شاہد ہو کس اپنائیت سے اپنا معاملہ سنا اور بھرپور مدد کی اللّٰہ تعالیٰ آپکو اسکا اجر فرمائے @BabarMirzaAdv
لعنت اُن تحریکِ انصاف والو پے جنہوں نے مہاجروں کے بیچ منجھدار میں تنہا چھوڑ دیا@PTIofficial pic.twitter.com/TWSb5PRkJF— MOGAMB0 (@MOGAMBO1984) May 17, 2023
بابر مرزا ایڈوکیٹ نے کہا کہ جو لوگ رابطہ کریں گے اُن بچوں کی مفت قانونی معاونت، ضمانتیں اور ضمانتی مچلکوں کے انتظام سمیت دیگر چیزوں میں ایم کیو ایم حقیقی بھرپور عملی کردار ادا کرے گی اور ہر وقت ایسے گھرانوں کی مدد کے لیے تیار ہے۔
قانونی ماہر نے متاثرہ خاندانوں کے رابطے کے لیے اپنا نمبر 03212064297 بھی جاری کیا ہے۔
