آل پاکستان متحدہ اسٹوڈنٹس آرگنائزیشن کے زیر اہتمام جامعہ کراچی آرٹس لابی میں یوم آزادی کے موقع پر کیک کاٹنے کی تقریب کا انعقاد کیا گیا۔
تقریب میں سینئر ڈپٹی کنوینر ڈاکٹر فاروق ستار، سابق وفاقی وزیر سید امین الحق، دیگر اراکین رابطہ کمیٹی اپوزیشن لیڈر رعنا انصار، پارلیمانی لیڈر علی خورشیدی سمیت اراکین اسمبلی نے شرکت کی۔
ڈاکٹر فاروق ستار نے کیک کٹنگ کر کے پرچم کشائی کی اور ملک کی سالمیت تعمیر و ترقی اور ملکی معاشی بہتری کے لئے خصوصی دعا کی۔
ڈاکٹر فاروق ستار نے یومِ آزادی کی کامیاب اور پروقار تقریب کے انعقاد پر آل پاکستان متحدہ اسٹوڈنٹس آرگنائزیشن کے ذمہ کو مبارکباد پیش کی۔
تقریب میں طلباء کو اسناد بھی تقسیم کی گئیں۔ اس موقع پر انچارج اے پی ایم ایس او ثاقب اعجاز و اراکین مرکزی کمیٹی، اے پی ایم ایس او سیکٹر و یونٹس کے ذمہ داران و کارکنان اور طلباء نے بڑی تعداد میں شرکت کی۔
