پاکستان کے معروف پراپرٹی ٹائیکون ملک ریاض کی ہاؤسنگ سوسائٹی کی انتظامیہ کے خلاف پشاور میں مقدمہ درج کر لیا گیا ہے۔
پشاور کے تھانہ متھرا میں درج ایف آئی آر کے مطابق غیرقانونی طور بحریہ ہاؤسنگ سوسائٹی نے علاقے میں سرگرمیاں شروع کی ہیں۔
پشاور کی تحصیل میونسپل ایڈمنسٹریشن متھرا نے ملک ریاض کے خلاف مقدمہ درج کرایا اور موقف اختیار کیا کہ جس زمین پر بحریہ ٹاؤن پشاور بنایا جارہا ہے وہ متنازع ملکیتی زمین ہے۔
ایف آئی آر میں کہا گیا ہے کہ مذکورہ ہاؤسنگ سوسائٹی نے بغیر این او سی کے متھرا تحصیل میں رہائشی پراجیکٹ کی لانچنگ کی۔ مقدمے کے متن میں کہا گیا ہے کہ بحریہ نے لوگل گورنمنٹ ایکٹ کی خلاف ورزی کی۔
بحریہ ٹاؤن پشاور میں زمین خریدنے میں فراڈ۔۔۔۔
ملک ریاض کے خلاف ایف آئی آر درجاور اب چینلز یہ خبر بھی چلائیں گے۔۔۔روک نہیں پائیں گے۔
پاکستان میں واقعی وہ ہو رہا جو پہلے کبھی نہیں ہوا۔۔۔ pic.twitter.com/o9QKeZTLdL— Sanam Jamali🇵🇰 (@sana_J2) September 22, 2023
مقدمہ ڈپٹی کمشنر کے ہدایات پر درج کیا گیا ہے جس میں ٹاؤن میونسپل ایڈمنسٹریٹر متھرا مدعی بنے ہیں۔
دوسری جانب بحریہ ٹاؤن کے ترجمان نے ایف آئی آر درج ہونے کی خبروں کو بے بنیاد قرار دیتے ہوئے کہا ہے کہ ‘اس بات میں کوئی صداقت نہیں ہے کہ بحریہ ٹاؤن پشاور کے حوالے سے مقدمہ درج ہوا’۔
انہوں نے کہا کہ ‘میڈیا اور سوشل میڈیا پر نشر ہونے والی خبر جھوٹی ہے جس پر قانونی کارروائی کا حق رکھتے ہیں۔ ترجمان کے مطابق بحریہ ٹاؤن پشاور کے حوالے سے پہلے ہی عدالت میں درخواست دائر کر کے اسٹے آرڈر لیا ہوا ہے۔
خیال رہے کہ رواں ماہ کے آغاز پر پشاور میں بحریہ ٹاؤن کے فارم فروخت کر کے پراپرٹی ڈیلرز اور ایجنٹوں نے عام شہریوں سے اربوں روپے بٹور لیے تھے۔
بریکنگ نیوز 🚨
پشاور میں بحریہ ٹاؤن اور سٹی ہاؤسنگ سوسائٹی کے پاس این او سی نہیں اس لیے کی مشہوری دیکھ کر ان سے خریداری مت کریں۔
نگران وزیر اطلاعات فیروز جمال کاکا خیل pic.twitter.com/Bb7v0qKR3z— Sarfraz Nisar (@SarfrazzPMLN) September 13, 2023
بعد ازاں نگراں وزیر اطلاعات خیبر پختونخوا نے شہریوں کو متنبہ کیا تھا کہ وہ بحریہ ٹاؤن میں فلیٹ نہ لیں کیونکہ اس پروجیکٹ کا این او سی جاری نہیں کیا گیا۔
