ایمسٹر ڈیم: ایک تحقیق میں انکشاف ہوا ہے کہ ذہنی صحت کی بہتری کے لیے دوڑ لگانا اپنے اندر اینٹی ڈپریسنٹ ادویات کے برابر تاثیر رکھتا ہے۔
تحقیق کے لئے نیدرلینڈز کے شہر ایمسٹرڈیم میں قائم ورژے یونیورسٹی کے محققین نے 141 ڈپریشن یا بے چینی یا دونوں ذہنی مسائل میں مبتلا افراد کا مطالعہ کیا۔
اس تحقیق کے لئے وہ مریض جنہوں نے جاگنگ کا انتخاب کیا تھا انہوں نے 16 ہفتوں بعد ادویات لینے والوں کی نسبت ڈپریشن اور بے چینی میں کمی کے متعلق بتایا۔
تحقیق کے آخر میں دونوں گروپوں میں مجموعی طور پر 44 فی صد افراد نے ڈپریشن اور بے چینی کے حوالے سے بہتری کے متعلق بتایا۔
تحقیق کے مطابق دوڑ لگانے والے گروپ نے ذہنی صحت کے ساتھ جسمانی صحت میں بہتری جبکہ اینٹی ڈپریسنٹ استعمال کرنے والے گروپ نے جسمانی صحت خراب ہونے کے متعلق بتایا۔
