بلدیہ عظمیٰ کراچی کی کونسل کا عام اجلاس بروزجمعہ (10 نومبر2023ء)کو گیارہ بجے دن کونسل ہال کے ایم سی بلڈنگ ایم اے جناح روڈ میں میئر کراچی بیرسٹر مرتضیٰ وہاب کی صدارت میں منعقد ہوگا.
ایجنڈے کے مطابق اجلاس میں بلدیہ عظمیٰ کراچی کی کونسل کی کمیٹیوں اور ان کے اراکین کی تعداد کا تعین کیا جائے گا جبکہ اجلاس کے ایجنڈے میں کراچی میٹروپولیٹن میوزیم کے قیام کی منظوری، بلدیہ عظمیٰ کراچی میں انفورسمنٹ اینڈ امپلی مینٹیشن ڈپارٹمنٹ کے نام سے نئے محکمہ کے قیام اور گلستان جوہر میں جوہر چورنگی سے حبیب یونیورسٹی تک جانے والے انڈرپاس کا نام شہداء فلسطین سے منسوب کرنے پلان شامل ہے۔
اس کے علاوہ مختلف محکموں کے ایمپریسٹ اکاؤنٹ میں اضافہ اور سندھ لوکل گورنمنٹ ایکٹ 2013 کے تحت میونسپل یوٹیلیٹی چارجز اینڈ ٹیکس کی وصولی سے متعلق رولز میں صراحت کردہ انداز میں کے ایم سی اور کے الیکٹرک کے اشتراک سے کے الیکٹرک کے ماہانہ بلوں کے ذریعے میونسپل یوٹیلیٹی چارجز اینڈ ٹیکس وصول کرنے کی منظوری بھی لی جائے گی۔
مختلف آسامیوں کو مختلف محکمہ جات سے گزری میٹرنٹی ہوم بلدیہ عظمیٰ کراچی کے شیڈول آف اسٹیبلشمنٹ میں منتقل کرنے کی منظوری شامل ہیں۔
