پیداواری لاگت بڑھنے سے صنعتکار شدید پریشان

کراچی :صنعتکاروں نے بجلی کی قیمت مزید بڑھنے پر خدشاد کا اظہار کرتے ہوئے کہاہے کہ تمام صنعتکار اس وقت پیداواری لاگت بڑھنے پر شدید پریشان ہیں ۔

پیداواری لاگت بڑھنے سے مشکلات بڑھتی ہی جارہی ہیں ، ڈالر کی قدر میں استحکام نہیں آرہا، کبھی ڈالر سستا تو کبھی مہنگا، کس ریٹ پر کاسٹ نکالیں نہیں پتہ۔

ہر سیکٹر کی برآمدات پیداواری لاگت سے متاثر ہورہی ہے،پی پی آئی کے مطابق نومبر 23 کے بجلی کے بلوں میں 2 ماہ کے ایڈجسمنٹ سے بجلی کے بلوں میں بھی اضافہ ہو گیا۔

گیس کی قیمت دگنا اضافے کرنے کے بعد اب نومبر کے بجلی کے بلوں میں دو ماہ کی ایڈجسمنٹ کیسے برداشت ہو گی؟

شرح سود 22 فیصد کی بلندسطح پر ہے، کوئی قرض بھی نہیں لے سکتا، حکومت کو انڈسٹری کی پیداواری لاگت کم کرنے کے لئے اقدامات اب اٹھانے ہی ہوں گے ورنہ چلتی ہوئی صنعتیں بھی بند ہوجائیں گی۔

اپنا تبصرہ بھیجیں: