کراچی: شہر قائد میں غیر ملکی وفود کی آمد کے پیش نظر کراچی ٹریفک پولیس نے مختلف سڑکوں کے بند ہونے اور متبادل راستوں کا اعلامیہ جاری کردیا ہے ۔
ترجمان ٹریفک پولیس کے مطابق کلب روڈ پی آئی ڈی سی سے میٹروپول تک ٹریفک کے لیئےمکمل بند ہوگا ، ڈاکٹر ضیاء الدین روڈ، ضیاء الدین لائٹ سگنل (ضیاء الدین برج) سے پی آئی ڈی سی چوک تک مکمل بند ہوگا۔
ڈاکٹر ضیاء الدین احمد روڈ کھجورچوک سے پی آئی ڈی سی تک بند ہوگا جبکہ متبادل راستوں کے طور پر شہری سلطان آباد سے آنے والی ٹریفک براستہ پی آئی ڈی سی ڈاکٹر ضیاء الدین احمد روڈ سےکھجور چوک ایوان صدر روڈ کی طرف جا سکے گی اور جو مسافر شاہراہ فیصل سے آکر آگے سلطان آباد کی طرف جانا چاہتے وہ کلب چوک سے لیفٹ ٹرن لے کر کلفٹن برج وبورڈ بیسن سے جاکر اپنی منزل کی طرف جا سکیں گے۔
خلیق الزمان روڈ، گزری اور بچہ پارٹی سے آنے والی ٹریفک ضیاء الدین لائٹ سگنل سے رائٹ ٹرن اورہوشن چوک سے لیفٹ ٹرن لےکرمیٹروپول سے فوارہ چوک، ایوان صدر، کی طرف جا سکےگی۔
اس کے علاوہ شاہین کمپلیکس سے آنے والی ٹریفک کھجور چوک سے لیفٹ ٹرن کرکے ایوان صدرروڈ، آواری ٹاور کلفٹن اور دیگر علاقہ کی طرف جا سکتی ہے۔
