پاک فوج میں چار لیفٹیننٹ جنرلز کی تقرریاں تبادلے کردیے گئے جس کے تحت جنرل فیض اب جی ایچ کیو میں پاک فوج کے ایڈجوٹیننٹ جنرل کی ذمہ داریاں انجام دیں گے۔
پاک فوج کے شعبہ تعلقات عامہ ( آئی ایس پی آر) کے مطابق میجر جنرل سے لیفٹیننٹ جنرل کے عہدے پر فائز ہونے والے افسر لیفٹیننٹ جنرل فیض حمید کو جی ایچ کیو میں ایڈجوٹینٹ جنرل جب کہ لیفٹیننٹ جنرل اظہر عباس کو ڈائریکٹر جنرل جوائنٹ اسٹاف تعینات کردیا گیا۔
حال ہی میں پاک فوج نے 4 لیفٹیننٹ جنرلز کو عہدوں میں ترقیاں دی تھیں۔ اسی طرح لیفٹیننٹ جنرل نعمان کو آئی جی سی اینڈ آئی ٹی مقرر کیا گیا، لیفٹیننٹ جنرل ساحر وائس چیف آف جنرل اسٹاف کی ذمہ داریوں پر برقرار رہیں گے جبکہ جنرل عدنان کو بہاولپور میں بطور کمانڈر تعینات کیا گیا۔
