مودی کی ویب سریز نشر کرنے کی اجازت نہیں، حکم آگیا

بھارتی الیکشن کمیشن نے بی جے پی کو ایک اور بڑا جھٹکا دیتے ہوئے مودی کی زندگی پر بنائی جانے والی ویب سیریز بھی نشر کرنے پر پابندی عائد کردی۔

بھارت کے نجی ٹی وی کی رپورٹ کے مطابق ہندوستانی الیکشن کمیشن نے نریندر مودی کی زندگی پر مبنی ویب سیریز ’مودی ۔ جرنی آف اے کامن مین‘ کے نشر ہونے پر پابندی عائد کرتے ہوئے حکم جاری کردیا۔

الیکشن کمیشن نے حکم جاری کیا کہ ویب سیریز کے موضوع سے انتخابی ضابطہ اخلاق کی خلاف ورزی ہورہی ہے، اس لئے اسےفوراً ہٹا دیا جائے، انتخابی عمل کے دوران کسی لیڈر کی سوانح عمری یا خود نوشت پر منبی کسی مواد کی اشاعت جس سے انتخابی عمل کی غیر جانبداری اور آزادی متاثر ہوتی ہو، نشر نہیں کی جاسکتی۔

عمران مودی ون پوائنٹ‌ایجنڈے پر متفق

ای سی بی کا کہنا تھا کہ پیش کردہ ویب سیریز وزیراعظم نریندر مودی کی زندگی پر مبنی ہے اور وہ ایک لیڈر کے ساتھ لوک سبھا انتخاب کے امیدوار بھی ہیں، اس لئے اس ویب سیریز کی اشاعت کی اجازت نہیں دی جاسکتی اور اس کے ریلیز پر ملک بھر میں فوری پابندی عائد کی جاتی ہے۔

اپنا تبصرہ بھیجیں: