الیکشن کمیشن آف پاکستان نے این اے 265 سے جیتنے والے امیدوار اور قومی اسمبلی کے ڈپٹی اسپیکر قاسم خان سوری کے حلقے میں ہونے والے الیکشن کو جعلی قرار دیتے ہوئے دوبارہ انتخابات کرانے کا حکم جاری کردیا۔
کوئٹہ الیکشن ٹریبونل کی جانب سے جاری ہونے والے فیصلے کے مطابق حلقے میں ایک لالکھ چودہ ہزار میں سے 65 ہزار سے زائد غیر تصدیق شدہ ووٹ ڈالے گئے، جن کی تصدیق نہیں ہوسکی اور یہ ووٹ قاسم خان سوری کے حق میں تھے۔ الیکشن کمیشن آف پاکستان نے حلقے میں فوری الیکشن کا حکم جاری کردیا۔
یاد رہے کہ قاسم خان سوری نے ایوان میں لفظ سیلیکٹڈ پر پابندی عائد کی تھی، اُن کا کہنا تھا کہ اپوزیشن اراکین یہ لفظ کی ادائیگی جان بوجھ کر کرتے ہیں تاکہ وزیراعظم عمران خان کی توہین کی جائے۔
الیکشن ٹریبونل کا فیصلہ آنے کے بعد مسلم لیگ ن کی رکن اسمبلی حنا پرویز بٹ نے ٹویٹ میں لکھا کہ آج سمجھ آیا وزیراعظم کو سلیکٹڈ کہنے پر قاسم سوری کیوں غصہ ہوجاتے تھے۔
جب اپوزیشن عمران خان کو سلیکٹڈ کہتی تھی تو قاسم سوری کو سب سے زیادہ غصہ آتا تھا، اس کی وجہ آج سمجھ آئی.#election_tribunal #qasimsuri_denotified #juma_mubarak
— Hina Parvez Butt (@hinaparvezbutt) September 27, 2019
پیپلزپارٹی کے چیئرمین بلاول بھٹو زرداری نے ٹویٹ میں کہا کہ ڈپٹی اسپیکر قاسم سوری جنہوں نے نیشنل اسمبلی میں لفظ سلیکٹڈ پر پابندی عائد کی وہ 65 ہزار غیر تصدیق شدہ ووٹ سے نااہل قرار دے دیے گئے، وہ حقیقت کو دبا نہیں سکتے، اب جلد ہی سارے سلیکٹڈ گھر جائیں گے۔
Deputy Speaker Qasim Suri who banned the word ‘selected’ in the National Assembly has been de-seated. Turns out 65K votes cast could not be verified. Can’t ban the truth. Soon all selected will have to go.
— BilawalBhuttoZardari (@BBhuttoZardari) September 27, 2019
