کراچی کے علاقے بفرزون میں ایم کیو ایم رہنما خواجہ اظہار الحسن کے گھر کے باہر مشکوک افراد کی موجودگی کے بعد خوف پھیل گیا۔
تفصیلات کے مطابق ایک روز قبل ایم کیو ایم کے رکن سندھ اسمبلی خواجہ اظہار کے بفرزون میں واقع گھر کے باہر نامعلوم افراد کو علاقہ مکینوں اور اہل خانہ نے گشت کرتے دیکھا۔
پراسرار گشت کی سی سی ٹی وی ویڈیو میں دو نامعلوم افراد ایک موٹر سائیکل پر سوار دیکھے جاسکتے ہیں،موٹرسائیکل سوار افراد مسلح تھے جنہوں نے پولیس کو دیکھا اور وہاں سے گاڑی گھما کر فرار ہوگئے۔
ایم کیو ایم پاکستان کی رابطہ کمیٹی نے واقعہ پر گہری تشویش کا اظہار کرتے ہوئے سندھ حکومت سے رہنماوں کی حفاظت کے لیے خصوصی انتظامات کرنے کا مطالبہ کیا ہے ۔
