کراچی: درخشاں پولیس نے ڈیفنس کے رہائشی اور تحریک انصاف کے نام نہاد رہنما اسرار عباسی کے گھر پر چھاپہ مار کر 14سالہ گھرملازمہ کو بازیاب کرالیا، کمسن لڑکی کے ساتھ زیادتی کی گئی۔
ملزمہ نے بیان دیا کہ پانچ ملزمان نے اُسے نشہ آور ادویات کھلا کر زیادتی کا نشانہ بنایا،ملزمان میں اسرارعباسی،بلال انعم،صفیہ،کرن شامل ہیں جنہوں نے لڑکی کو گھرمیں قید کرکے رکھاگیا،تشدد بھی کیاگیا۔
قبل ازیں اہل خانہ کی جانب سے اطلاع سامنے آئی تھی کہ پی ٹی آئی رہنما اسرار عباسی نے چار ماہ قبل دو لڑکیوں کو نوکری کے لیے بلایا اُس کے بعد سے دونوں سے کوئی رابطہ نہیں ہوا۔
اہل خانہ نے الزام عائد کیا کہ اسرار عباسی نامی شخص لڑکیاں سپلائی کرتا اور کالا دھندا کرتا اور کرواتا ہے لڑکی کے ماموں کی کوشش سے ایک لڑکی چار روز پہلے مدینہ ٹاون تھانے میں بلدیہ ٹاؤن اور 4 لڑکیاں آج صبح رینجرز کی مدد سے ڈیفنس درخشاں تھانے کی حدود سے برآمد ابھی درخشاں تھانے میں موجود ہے۔
بازیاب ہونے والی لڑکیوں کے ماموں نے مطالبہ کیا کہ ایسے کالے دھندے کرنے کرانے والے لوگوں کو بے نقاب کیا جائے اور یہ لوگ سیاسی شلٹر لیتے ہیں، سیاسی وابستگی کے باعث ایس ایچ او صاحب درخشاں فیملی کے ساتھ تعاون نہیں کر رہے اور سیاسی دباؤ بھی ڈال رہے ہیں۔
بعد ازاں صحافیوں نے جب اہل خانہ سے رابطہ شروع کیا تو درخشاں پولیس نے لڑکی کے والدین کی نشاندہی پر ڈیفنس فیز 6 میں کارروائی کی اور انعم نامی خاتون کےفحاشی کےاڈےسےلڑکی سے بازیاب کرایا۔
پولیس حکام کا کہنا تھا کہ بازیاب لڑکی کونشہ دےکرزیادتی کا نشانہ بنایاجاتارہا، لڑکی کےوالدین کو20ہزارروپے ماہانہ تنخواہ کالالچ دیاگیاتھا، ملزمان کےپورےگروہ کےخلاف مقدمہ درج کرلیاگیا البتہ ابھی کوئی گرفتاری عمل میں نہیں آئی۔
