کراچی کا موسم گرم،درجہ حرارت33ڈگری تک پہنچ گیا

کراچی: شہر قائد میں جمعہ کو شہر کا موسم گرم رہا اور پارہ 33 ڈگری سینٹی گریڈ ریکارڈ ہوا۔تاہم ہوا میں نمی کا تناسب کم ہونے کی وجہ سے گرمی کی شدت زیادہ محسوس نہیں ہوئی۔

ہفتے کودرجہ حرارت میں مزید اضافہ متوقع ہے۔محکمہ موسمیات کے مطابق دن کے وقت سمندری ہوائیں معطل رہیں، اس دوران بلوچستان کی شمال مشرقی اور مشرقی سمت کی ہوائیں چلیں، شام کے وقت سمندر کی بند ہوائیں فعال ہوگئیں، شہر کا زیادہ سے زیادہ درجہ حرارت 33 ڈگری سینٹی گریڈ رہا جبکہ ہوا میں نمی کا تناسب 42 فیصد رہا۔

جمعہ کی صبح شہر کی فضاں پر ہلکی دھند چھائی رہی جس کی وجہ سے حدنگاہ کم ہو کر 2 کلومیٹر رہ گئی تھی، آئندہ دو روز کے دوران کراچی اور دیہی سندھ کے اضلاع گرمی کی لپیٹ میں رہ سکتے ہیں، تھرپارکر،عمرکوٹ، حیدرآباد، بدین اور میرپور خاص میں تین روز کے دوران پارہ 39 ڈگری تک بڑھ سکتا ہے۔ کراچی میں درجہ حرارت 34 ڈگری تک ریکارڈ ہوسکتا ہے۔

کراچی میں ہفتے کو مطلع جزوی ابر آلود رہے گا البتہ بارش کا امکان نہیں ہے۔

اپنا تبصرہ بھیجیں: