وزیر تعلیم سندھ سید سردار شاہ کا کندھ کوٹ میں پرائیویٹ اسکول میں تشدد کے باعث طالب کے جاں بحق ہونے کی خبر کا نوٹس لے لیا۔
صوبائی وزیر تعلیم کا ڈائریکٹوریٹ پرائیویٹ انسٹیٹیوشن کو انکوائری کے بعد رپورٹ پیش کرنے کے احکامات جاری کیے۔
انہوں نے کہا کہ ابتدائی کارروائی کے تحت اسکول کی رجسٹریشن معطل کردی گئی ہے۔ انکوائری مکمل ہونے کے بعد ذمہ دار اسکول و استاد کے خلاف کارروائی کی جاۓ گی۔
انہوں نے کہا کہ سندھ میں کسی بھی اسکول میں شاگردوں پر تشدد کی اجازت نہیں دے سکتے۔ اسکول کے بچوں پر جسمانی تشدد کی روک تھام کے لیے قانون موجود ہے، خلاف ورزی پر کارروائی ہوگی۔
واقعے کی انکوائری کے لیے چھ رکنی کمیٹی بھی قائم کردی گئی ہے۔
