کراچی : ڈالر کی اونچی بہت اونچی اڑان،انٹر بینک میں ڈالر 6 روپے 67 پیسے مہنگا ہو گیا۔ میڈیا رپورٹس کے مطابق ڈالر کی قدر بڑھنے کا سلسلہ جاری ہے،انٹر بینک میں ڈالر 6 روپے 67 پیسے مہنگا ہونے کے بعد 262 روپے میں فروخت ہو رہا ہے۔
اسی طرح اوپن مارکیٹ میں ڈالر 8 روپے مہنگا ہو گیا جس کے بعد ڈالر کی قیمت 265 روپے تک جا پہنچی۔
گزشتہ دو دنوں میں انٹر بینک میں ڈالر 31 روپے سے زیادہ مہنگا ہونے کے باعث ملکی قرضوں میں 3950 ارب روپے سے زائد کا اضافہ ہو چکا ہے۔ یاد رہے کہ جمعرات کا دن پاکستانی روپے کیلئے ملکی تاریخ کا سب سے تباہ کن دن ثابت ہوا،روپے کی تاریخی تنزلی نے قرضوں کے بوجھ میں بھی اضافہ ہو گیا۔
