بانی متحدہ کی تصویر و تقریر پر پابندی کیس کی سماعت لاہور ہائیکورٹ میں بروز بدھ 23 اپریل کو ہوگی۔
باخبر زرائع کے مطابق بانی متحدہ اس سماعت کے حوالہ سے بہت پرامید ہیں اور تمام معاملات پر خود باریک بینی سے نظر رکھے ہوئے ہیں۔
زرائع نے مزید بتایا کہ رواں ہفتہ ہونے والی سماعت کیلئے بانی متحدہ نے “نئی حکمت عملی” تیار کی ہے۔
نئی حکمت عملی کے تحت 23 اپریل کو بانی متحدہ کی پرانی لیگل ٹیم پیش نہیں ہوگی بلکہ اس بار نئے وکلا جوہر عابد ایڈوکیٹ، ادریس علوی ایڈوکیٹ، شکیل زئی ایڈوکیٹ و دیگر جن کا تعلق ایم کیو ایم لیگل ایڈ کمیٹی سے ہے مزکورہ تاریخ پر عدالت میں الطاف حسین صاحب کا دفاع کرتے نظر آئیں گے۔
واضح رہے کہ اس سے قبل ماضی میں اس مقدمہ میں بانی متحدہ کی قانونی معاونت عاصمہ جہانگیر فرم کررہی تھی تاہم اب وکلا کی نئی ٹیم عدالت میں بانی متحدہ کی نمائندگی اور اس مقدمہ کی پیروی کرے گی
