کراچی: سندھ پولیس نے موسی کالونی میں کارروائی کر کے دو بھائیوں سمیت 5 افراد کو گرفتار کرلیا جن کا تعلق ایم کیو ایم لندن سے بتایا جارہا ہے۔
ڈی آئی جی ویسٹ اور ایس پی سینٹرل کی ہدایت پر گلبرگ پولیس نے گزشتہ رات فیڈرل بی ایریا میں واقع اپوا کالج گراونڈ میں چھاپہ مارا اور وہاں سے پانچ افراد کو گرفتار کیا۔
پولیس نے مطابق گرفتار افراد کی شناخت کامران، عامر، عرفان، عمران اور اورنگزیب کے ناموں سے ہوئی، مذکورہ افراد کے قبضے سے اسلحہ اور گولہ باردو بھی برآمد ہوا۔
پولیس حکام کا کہنا ہے کہ ملزمان نے دوران تفتیش پانچ افراد کو قتل کرنے کا اعتراف کیا، تمام افراد کا تعلق لندن سے بتایا گیا۔ پولیس اعلامیے کے مطابق ملزمان ایم کیو ایم لندن کے ٹارگٹ کلرز ہیں۔
