ریاض: مسجد الحرام کی انتظامیہ نے نابینا عازمین حج کے لیے بولنے والی سفید چھڑی کا انتظام کر دیا۔
تفصیلات کے مطابق مسجد الحرام اور مسجد نبوی شریف کی جنرل پریذیڈنسی نے نابیناؤں کے لئے سفید چھڑی تقسیم کرنے کا منصوبہ بنایا ہے جبکہ معذوروں کی نگہداشت کیلئے خصوصی یونٹ قائم کیے گئے۔
ادارے کے ڈائریکٹر فیصل الجودی نے بتایا کہ گیٹ نمبر 68کے بالمقابل جائے نماز تک نابیناؤں کو سفید چھڑی کے ذریعے پہنچانے کا بندوبست کیا گیا ۔
واضح رہے کہ حال ہی میں اس ادارے نے بولنے والی گھڑی بھی تقسیم کی جس کی بدولت نابیناؤں کو اوقات نماز شروع ہوجانے کا علم ہوجاتا ہے۔
سعودی حکومت کے مطابق جمعرات کے روز تک دنیا بھر سے 20 لاکھ عازمین فریضہ مقدسہ ادا کرنے کے لیے سعودی عرب پہنچنے۔
