کراچی: پیپلزپارٹی کے شریک چیئرمین آصف علی زرداری نے بلاول بھٹو کے سیاسی سیکریٹری کی غنویٰ اور فاطمہ بھٹو کے خلاف کیے جانے والے ٹویٹ پر سخت سرزنش کی۔
جمیل سومرو نے ذوالفقار علی بھٹو کی برسی کے موقع پر غنویٰ بھٹو کی جانب سے کی جانے والی تنقید پر سماجی رابطے کی ویب سائٹ پر ایک ٹویٹ کی تھی جس میں اُن کی تضحیک کی گئی تھی۔
پیپلزپارٹی کے جیالوں نے بلاول بھٹو کے پالیٹیکل سیکریٹری کو آڑے ہاتھوں لیتے ہوئے اُن کے بیان کی شدید الفاظ میں مذمت کرتے ہوئے ٹویٹ واپس لینے کا مطالبہ کیا تھا۔
پی پی جیالوں نے بلاول سے مطالبہ کیا تھا کہ وہ جمیل سومرو سے عہدہ فوری واپس لے کر انہیں برطرف کریں۔ ذرائع کے مطابق جمیل سومروکاغنویٰ بھٹواورفاطمہ بھٹوکےخلاف نازیبا ٹوئٹ پی پی قیادت کی نظر آگیا جس پر اُن کی سخت سرزنش بھی ہوئی۔
https://zaraye.com/umair-solangi-reply-on-twitter/
پیپلزپارٹی کے شریک چیئرمین آصف زرداری،صنم بھٹواورآصفہ بھٹونےجمیل سومروکی سخت سرزنش کی جس کے بعد انہوں نے ٹویٹ کو ڈیلیٹ کردیا البتہ اب اس کی تصاویر شیئر کی جارہی ہیں اور جیالوں نے انہیں ابھی معاف نہیں کیا۔
آصف زرداری نے جمیل سومرو پر سخت برہم ہوئے اور انہیں مخاطب کر کے کہا کہ ’آپ کون ہوتے ہیں ہمارے خاندانی معاملات میں ٹانگ آڑانے والے؟۔
صنم بھٹو نے جمیل سومرو کی سرزنش کرتے ہوئے کہا کہ ’آپ ہمارے خاندان کو لڑا رہے ہیں تاکہ مزید دوریاں پیدا ہوں‘۔ آصفہ بھٹو نے بھی ٹویٹ کے معاملے پر سخت برہمی کا اظہار کرتے ہوئے جمیل سومرو کی سرزنش کی۔
