سوہاوہ: عبدالقادر یونیورسٹی کی افتتاحی تقریب میں عمران خان کا بیان ایک بار پھر سوشل میڈیا پر زیرگردش ہے۔عمران خان نے سوہاوہ میں القادر یونی ورسٹی کا سنگِ بنیاد رکھا، جامعہ میں سائنس اور صوفی ازم کی تعلیم دی جائے گی جبکہ 35 فیصد بچوں کو اسکالر شپ ملے گی۔
عمران خان نے اپنا وژن بیان کرتے ہوئے کہا کہ ہم روحانیت کو سُپر سائنس بنائیں گے۔ وزیر اعظم تین بار روحانیت لفظ ادا کرنے کی کوشش کرتے رہے مگر وہ ایسا نہ کرسکے۔ سوشل میڈیا پر تقریر کے ایک حصے کی ویڈیو وائرل ہوگئی۔ کپتان کی زبان ایک بار پھر پھسلنے پر لوگوں نے انہیں شدید تنقید کا نشانہ بھی بنایا۔
اُن کا تقریر کے دیگر حصے میں کہنا تھا کہ القادر یونی ورسٹی جیسے ادارے کی تشکیل کا 23 برس سے سوچ رہے تھے۔ یہ خیال بالکل اُسی طرح سے ہے جیسے نمل یونیورسٹی بنائی شوکت خانم بنایا۔ ذہین اور باصلاحیت نوجوانوں کو جمع کر کے القادر یونیورسٹی میں پڑھایا جائے گا۔
Best of #PMSelect (Imran Niazi)
1. Niazi considers spirituality a super science.
2. China is building trains with speeds faster than light: Niazi
3. If Imran Niazi is to be believed, Germany and Japan share a border
4. And yes dont forget "Africa Is a emerging Country". pic.twitter.com/m7ZqjQZ2d0
— Emran Brohi (@ibrohi31) May 5, 2019
عمران خان نے کہا کہ ہم روحانیت کے سپہ سالار عبد القادر جیلانی کے نام پر یونی ورسٹی بنا رہے ہیں اور اسی نظریے پر چلتے ہوئے روحانیات کو سپر سائنس بنائیں گے، القادر یونی ورسٹی میں صوفی ازم پر بھی ریسرچ کی جائے گی۔ انہوں نے مزید بتایا کہ سوہاوہ کو ترقی کا پہاڑ کہا جاتا ہے، یہاں پر بابا نور الدین نامی ایک بزرگ تھے جنہوں نے 70 برس تک چلا کاٹا۔
