بے باکی کی وجہ سے بہت ہی کم عرصے میں شوبز انڈسٹری میں مضبوط جگہ بنانے والی متھیرا کے بارے میں ایک غلط فہمی ہے جس کے حوالے سے قیاس آرائیاں کی جاتی ہیں۔
اداکارہ کو شہرت اُس وقت ملی جب وہ ایک ٹی وی شو میں پروگرام کرتی تھیں اور اس میں کالرز سے گفتگو کرنا ہوتی تھی، متھیرا نے کئی اشتہارات میں بھی کام کیا اور بالی ووڈ کے لیے ایک آئٹم سانگ بھی کیا۔
حال ہی میں اُن کا وائس اوور مین پر انٹرویو ہوا جس میں متھیرا نے کھل کر ہر موضوع پر گفتگو کی۔ اس دوران ایک سوال کا جواب دیتے ہوئے انہوں نے بتایا کہ لوگوں کو لگتا ہے میں ہر وقت شراب کے نشے میں دھت رہتی اور اسی انداز میں بات کرتی ہوں۔
انہوں نے کہا کہ ’میں نے کبھی شراب نہیں پی اور نہ ہی ایسا کبھی کیا کہ پی کر پروگرام کروں‘۔
