ایس بی سی اے میں کرپٹ افسران کی چاندنی، ڈی جی کا انوکھا ایکشن
ایس بی سی اے میں کرپشن میں ملوث افسران کو نوازا جانے لگا، ڈی جی ایس بی سی اے کی جانب سے انوکھا ایکشن، کرپشن اور غیر قانونی تعمیرات میں ملوث افسران کو صرف سزا کے طور پر کراچی بدر کرنے کا حکم، کرپشن میں ملوث ہونے کے باوجود افسسران کو نہ عہدے سے فارغ کیا گیا نہ انکوائری شروع کی گئی۔
ذرائع کو ملنے والی اطلاع کے مطابق ڈی جی ایس بی سی اے کے افسران کو بچانے کے لیے نئے طریقے تلاش کرنے لگے ہیں، ضلع شرقی کے اسسٹنٹ ڈائریکٹر ریحان خان اور بلڈنگ انسپیکٹر عقیل خان پر کرپشن ، غیر قانونی تعمیرات ، بغیر نقشے پاس کرائے تعمیرات کرانے کا الزام عائد کیا گیا۔
ایس بی سی اے کے نوٹی فکیشن میں افسران پر سنگین الزامات کے باوجود دونوں کی اندرون سندھ پوسٹنگ دے دی گئی، ریحان خان کو کراچی سے ڈسٹرکٹ سانگھڑ ، شہید بے نظیر آباد ریجن جبکہ عقیل خان کو مٹھی ، میرپور خاص ریجن میں اسی گریڈ اور پوسٹ پر تعیناتی دی گئی۔ ڈی جی ایس بی سی اے کی جانب سے نوٹی فکیشن جاری کردیا گیا۔
