بلدیہ عظمیٰ کراچی کا طاقت ور ترین افسر
کراچی : بلدیہ عظمیٰ کراچی کے محکمہ اینٹی انکروچمنٹ کورنگی زون کے انسپکٹر ندیم خان عرف چیتا کو طاقت ور ترین افسر مانا جاتا ہے، جس پر کرپشن کے سنگین الزامات ہیں اور یہ بھی کہا جاتا ہے کہ سینئر ڈائریکٹر اینٹی انکروچمنٹ بشیر صدیقی بھی اس طاقت ور افسر کے آگے بھی بے بس نظر آتے ہیں۔
ذرائع کو ملنے والی اطلاع کے مطابق ندیم خان نے کورنگی 51B میں لیز زیرتعمیر پلاٹ کے کام کو رکوا کر اپنی ٹیم کے ساتھ مل کر اس پلاٹ کو مسمار کردیا، متاثرہ مالک نے ایڈمنسٹریٹر کراچی لئیق احمد، میونسپل کمشنر دانش سعید اور سینئر ڈائریکٹر لینڈ بشیر صدیقی سے اپیل کی ہے اس انسپکٹر کے خلاف فوری کارروائی کریں تاکہ لوگ سکون کا سانس لے سکیں۔
واضح رہے کہ ندیم خان عرف چیتا از خود کافی عرصہ سے کورنگی زون کے اسسٹنٹ ڈائریکٹر بنے ہوئے ہیں جبکہ وہ صرف گیارہ گریڈ کا ملازم یے، اس سے قبل بھی ندیم چیتا متعدد بار کرپشن کرتے ہوئے رنگے ہاتھوں پکڑے گیے ہیں لیکن اثر ر رسوخ کی وجہ سے وہ ہمیشہ کامیاب ہوجاتے ہیں، موصوف جیل بھی کاٹ کر آچکے ہیں لیکن پھر بھی نوکری پر بحال ہے۔
