کراچی :کورنگی میں تیزرفتارڈمپرکی ٹکرسےموٹرسائیکل سوارجاں بحق، 3 زخمی ہوگئے۔موٹرسائیکل پر سوار 4افرادکورنگی میں سڑک سےگزررہے تھےکہ ڈمپرنےانہیں روند ڈالا، چاروں روزی کمانے گلگت سے کراچی آئے تھےاور ایک شخص موقع پر ہی چل بسا۔
عینی شاہدین کےمطابق ڈمپر انتہائی تیزی کے ساتھ آیااورموٹر سائیکل پر سوار 4 افراداس کانشانہ بنے،ایک نوجوان کوڈمپرنے بری طرح کچل کرٹکڑے ٹکڑے کردیا،جب ڈمپرکاٹائر پھٹاتو وہ رکاتاہم ڈرائیورفرارہوگیا۔
ریسکیوحکام کےمطابق حادثےمیں جاں بحق شخص کی شناخت زبیرکےنام سے ہوئی ہےجبکہ زخمیوں میں اعجاز،شاہداورسجادشامل ہیں۔حادثے کے بعدڈرائیورموقع سےفرارہوگیا تاہم ڈمپرتحویل میں لےلیاگیا۔علاقہ مکینوں کےمطابق ہیوی ٹریفک پہلے بھی یہاں کئی حادثات کاسبب بن چکی ہےم گرکوئی نوٹس نہیں لیتا۔
پولیس کا بتاناہےکہ حادثےکاشکارافرادفاسٹ فوڈکے ہوٹل پر ملازم اور ڈیوٹی ختم کرکے گھرجارہے تھے، پولیس لواحقین سےرابطہ کرنےکی کوشش کررہی ہے۔
