اسلام آباد: سابق وفاقی وزیرخزانہ اور تحریک انصاف کے رکن اسمبلی و رہنما اسد عمر نے کہا ہے کہ اگر جرنیل سے سوال کرو تو ملکی سالمیت اور ملا سے سوال کرو تو مذہب خطرے میں پڑھ جاتا ہے۔
قومی اسمبلی میں اظہار خیال کرتے ہوئے اسد عمر کا کہنا تھا کہ ’’سیاستدان سے سوال کرو تو جمہوریت، جرنیل سے سوال کرو تو ملکی سلامتی، جج سے پوچھو تو عدلیہ کی آزادی، مولوی سے سوال کرو تو مذہب خطرے میں پڑ جاتا ہے۔
اُن کا کہنا تھا کہ شہباز شریف نے کہا کہ بجلی کے منصوبے سستے ترین منصوبے تھے، اگر واقعی ایسا ہے تو نیپرا حکومت سے یہ کیوں کہہ رہا ہے کہ یہ منصوبے اتنے مہنگے تھے کہ پرانے نرخ سے قیمت پوری نہیں ہوگی بلکہ 2 روپے فی یونٹ قیمت میں میں اضافہ کیا جائے۔
انہوں نے کہا کہ گزشتہ عرصے میں پاکستان میں 7 ارب ڈالر کی براہ راست سرمایہ کاری ہوئی جس میں سے چار ارب ڈالر چین کی براہ دیے میں نے یہ کبھی نہیں کہا کہ سی پیک کے تمام منصوبے شفاف تھے۔
اس ملک کی اشرافیہ اپنے آپ کو قانون سے بالا تر سمجھتی ہے. جس سے سوال پوچھو وہ کھتا ہے کے سازش ہو رہی ہے pic.twitter.com/OE8WvvrNYN
— Asad Umar (@Asad_Umar) June 10, 2019
سابق وفاقی وزیر خزانہ کا کہنا تھا کہ پاک چین اقتصادی راہداری(سی پیک)کے 27 ارب ڈالر کے قریب پراجیکٹس مکمل ہوچکے، یہ بات ایک حقیقیت ہے کہ منصوبوں کو مکمل کرنے کے لیے چین نے بہتر ریٹ پر قرض فراہم کیے جن کی شرح سود کم ہے۔
