کراچی : وفاقی وزیر برائے ماحولیاتی تبدیلی سینیٹر شیری رحمان نے کہا ہے عمران خان کبھی سیاست کو جہاد کہتے ہیں اورکبھی جنگ کہتے ہیں ،ان کی سیاست غیر سنجیدہ اور گمراہ کن ہے۔
ٹوئٹر پر بیان میں وفاقی وزیر کا کہنا تھا عمران خان نے اپنے دور حکومت میں آئین، جمہوریت اور بنیادی آزادیوں کی دھجیاں اڑائیں،اب وہ حقیقی آزادی اور حقیقی جمہوریت کی نام پر سیاست کر رہے۔
انہوں نے کہاکہ عمران خان ذاتی سیاسی مفادات کیلئے ملک اور عوام کے مفادات کو قربان کرنے کو تیار ہیں، جب بھی ہم معاشی بحران سے نکلنے کے قریب ہوتے ہیں یہ عدم استحکام پیدا کرنے کیلئے سرگرم ہوجاتے ہیں۔
