کورنگی : زیر تعمیر فیکٹری کی چھت گرگئی، ملبے تلے 9 افراد دب گئے،8 کو بچا لیاگیا

کراچی: کورنگی صنعتی ایریا مرتضی چورنگی کے قریب زیر تعمیر فیکٹری کی چھت گرنے سے ملبے تلے 9 افراد دب گئے۔

ملبے میں دبے 8 افراد کونکال لیا گیا جبکہ ایک کی تلاش جاری ہے۔ حادثے میں زخمی افراد کو اسپتال منتقل کردیا گیا۔

پولیس کا کہنا ہے کہ حادثہ ٹھکیدارکی غفلت سے پیش آیا ہے۔چیف فائرافسرنے کہا کہ واقعہ چھت بھرائی کے دوران پیش آیا زمین سے40 فٹ سے زائد کی اونچائی پرچھت ڈالی جارہی تھی۔حادثے میں شیٹرنگ کھل گئی شیٹرنگ پائپ مڑ گئے اور بھرائی کا مٹیریل بھی بہہ گیا، حادثے کے وقت 15 سے زائد مزدور شیٹرنگ کےاوپر اور نیچے موجود تھے۔

پولیس کا کہنا ہے کہ ریسکیو آپریشن مکمل ہونے پرذمہ داروں کے خلاف مزید قانونی کارروائی کی جائے گی۔

اپنا تبصرہ بھیجیں: